សេចក្ដីប្រកាសព័ត៌មាន៖ កម្ពុជា និងសហរដ្ឋអាម៉េរិក កំណត់គោលដៅជំរុញកិច្ចសហប្រតិបត្តិការកាន់តែស៊ីជម្រៅ
ក្រសួងការបរទេស និងសហប្រតិបត្តិការអន្តរជាតិ បានចេញផ្សាយសេចក្តីប្រកាសព័ត៌មានស្តីពីជំនួបរវាងឧបនាយករដ្ឋមន្ត្រី ប្រាក់ សុខុន និងលោក Michael George DeSombre ជំនួយការរដ្ឋមន្ត្រីក្រសួងការបរទេសសហរដ្ឋអាមេរិក នៅថ្ងៃទី៤ ខែវិច្ឆិកា ឆ្នាំ២០២៥។ ភាគីទាំងពីរបានឯកភាពពង្រឹងកិច្ចសហប្រតិបត្តិការឲ្យកាន់តែស៊ីជម្រៅ ដោយទទួលស្គាល់ឱកាសនានា ដូចជាខួបអនុស្សាវរីយ៍លើកទី៧៥ នៃទំនាក់ទំនងការទូត។ ភាគីទាំងពីរបានស្វាគមន៍ចំពោះការចុះហត្ថលេខាលើ កិច្ចព្រមព្រៀងពាណិជ្ជកម្មបដិការ រវាងកម្ពុជា-សហរដ្ឋអាម៉េរិក (ART) នៅថ្ងៃទី ២៦ ខែតុលា ឆ្នាំ២០២៥។ ឯកឧត្តម ប្រាក់ សុខុន បានថ្លែងអំណរគុណដល់ ប្រធានាធិបតី Donald J. Trump ចំពោះតួនាទីដ៏សំខាន់របស់លោកក្នុងការសម្របសម្រួលកិច្ចព្រមព្រៀងឈប់បាញ់ និងការចុះហត្ថលេខាលើសេចក្តីថ្លែងការណ៍រួមស្តីពីសន្តិភាពជាមួយប្រទេសថៃ នៅថ្ងៃទី ២៦ ខែតុលា ឆ្នាំ២០២៥។ ភាគីទាំងពីរបានសង្កត់ធ្ងន់លើការពន្លឿនការខិតខំប្រឹងប្រែងដើម្បីសម្រេចបាននូវសន្តិភាពយូរអង្វែងនៅតាមបណ្ដោយព្រំដែនកម្ពុជា-ថៃ។
ក្រសួងការបរទេស និងសហប្រតិបត្តិការអន្តរជាតិ
